- తూర్పు కనుమలు (Eastern Ghats) అంటే?
- శ్రీకాకుళం లో
- ఇదీ స్వరూపం
* శిలలు(కొండలు) మూడు రకాలు. అవి అగ్ని శిలలు, అవక్షేప శిలలు, రూపాంతర ప్రాప్తి శిలలు. తూర్పుకనుమలు ప్రాంతమంతా రూపాంతర ప్రాప్తిశిలలే. ఎక్కువగా రాళ్లు... మధ్య మధ్యలో మట్టితో ఇవి విభిన్నంగా ఉంటాయి. రాళ్ల పగుళ్లు.. కొండలు, బండల మధ్య ఉన్న మట్టిలో మొక్కలు పెరుగుతాయి. ఇందులో విభిన్నమైన వృక్షజాతులు.. పండ్ల చెట్లు.. ఔషధ మొక్కలు... శాస్త్రీయంగా ఎంతో ప్రాధాన్యమున్న మొక్కలు ఉన్నాయి.
* పీడనం, ఉష్ణోగ్రత ప్రభావం వల్ల తూర్పు కనుమల్లోని రాళ్లు నీలం, ఊదా రంగులో ఉంటాయి. పగుళ్లు, గట్టితనం ఇక్కడి వాతావరణ ప్రభావం వల్లనే వస్తుందని భూగర్భ శాస్త్రవేత్తలు చెబుతున్నారు.
* మన జిల్లాలోని తూర్పు కనుమల్లో పాలపిట్ట, ఊరపిచ్చుక, రాబందు, లకుముకిపిట్ట, గద్దలు, అడవికాకులు, దుమ్ములగొండి, నక్క, కుందేలు, ఏనుగులు, అడవిదున్నలు, ఎలుగుబంట్లు, చిరుతపులులు, దుప్పి, కొండ గొర్రె, తోడేళ్లు తదితర జీవరాశులు జీవనం సాగిస్తున్నాయి. ఒకప్పుడు పులులు ఉన్నా.. ఇప్పుడవి అంతరించిపోయాయి.
* తూర్పుకనుమలకే ప్రత్యేకమైన జాతీయపక్షి నెమలి, రాష్ట్ర పక్షి పాలపిట్టల సంఖ్య ఇక్కడే ఉన్నాయి .
* కింగ్‌ఫిషర్‌ (పికిలిపిట్ట, వడ్రంగిపిట్ట) తూర్పు కనుమలకే ప్రత్యేక అందం తెచ్చింది. ఇది జిల్లాలో ఎక్కడబడితే అక్కడ కనిపించేది.
* ఔషధ మొక్కలైన సర్పగంధి, బ్రహ్మకమలం, డయాస్కోరియా, వస మొక్కలు, అట్రోపా బెల్లడోనాతో పాటు శాస్త్ర పరిశోధనలకు వినియోగించే పిచ్చర్‌ మొక్క, బెలనోఫోరా, డిస్కిడీయా, సీప్రియా హిమాలయానా, సెరోపీజియాజైనీ వంటి మొక్కలు కూడా తూర్పుకనుమల్లో ఉన్నాయి .
* కలప అవసరాలకు వినియోగించే రక్తచందనం, గంధపుచెట్టు, పైనస్‌ గెరార్డియానా వంటివాటితో పాటు అలంకరణలకు వినియోగించే రోడోడెంట్రాన్‌ సింఫ్లోకస్‌, ఫోడో ఫిల్లమ్‌ వంటివి విస్తారంగా ఉన్నాయి.
* ప్రపంచంలో ఒక్క అరకులో తప్ప మరెక్కడా ఉండని మోసుదా (ఫ్రెరియా ఇండికా), రత్నగిరి అడవుల్లోనే లభించే సెరోపీజియా జైనీ వంటి మొక్కలూ మన జిల్లాలో ఉన్నాయి.
* గ్త్లెఫోబోలా, మైసోరెన్సిస్‌ వంటి అరుదైన మొక్కలు, ఆర్థిక ప్రాధాన్యం ఉన్న డెకసోకార్పస్‌ వల్లిబియానస్‌, ఫిల్లోస్టాకిస్‌ బాంబుసాయిడిస్‌ వంటివి ఒకపుడు ఉన్నాయి. ఇందులో అత్యధికశాతం అంతరించిపోగా.. మరికొన్నిటిని అంతిమదశలో ఉన్నవాటిగా గుర్తించారు.
- కొండలు, అడవులను ధ్వంసం చేస్తే :
* తూర్పుకనుమల కారణంగా ఏకాలంలోనైనా మన జిల్లాలో వర్షం పడుతుంది. భూమిలోని నీటిని మొక్క తీసుకుంటుంది. ఆ నీటిని బాష్పోత్సాకం ద్వారా వాతావరణంలోకి నీటి ఆవిరి రూపంలో విడుదల చేస్తుంది. ఇవి మేఘాలుగా ఏర్పడతాయి. ఆ మేఘాలు అడవుల నుంచి వచ్చే చల్లటి గాలులకు సంకోచిస్తాయి. దీని వల్ల వర్షాలు పడతాయి. ఇదే జలచక్రం. ప్రస్తుతం కొండల్ని పిండి చేస్తుండటం వల్ల ఈ జలచక్రం గతి తప్పుతోంది. కొండలను తొలిచేస్తే... ఆ ప్రాంతంలో పంటలను పండించుకోవచ్చని కొందరు వితండవాదన చేస్తుంటారు. వాస్తవమేమంటే కొండలను తవ్వేసినా.. దానికింద రాతిపొరే ఉంటుంది. ఒకవైపు జీవవైవిధ్యం.. మరోవైపు భౌగోళిక సమతుల్యత దెబ్బతింటుంది. సునామీలు, భూకంపాల తీవ్రత పెరుగుతుందని శాస్త్రవేత్తలు హెచ్చరిస్తున్నారు.
- ==============================
No comments:
Post a Comment
Your comment is important for improvement of this web blog . Thank Q !